mrspeachfungfu的部落格

HI.大家好...

今日終於UPLOAD左新片啦.唔知大家睇左未呢?

[youtube=http://www.youtube.com/watch?v=qlndIvI8bz4]

今次呢條片係承接返之前POST 既8月份我的最愛特別篇既後續黎

[youtube=http://www.youtube.com/watch?v=KwJaqHptf6M]

對唔住...係HARD SELL左D

其實呢篇BLOG我想講返少少我對拍片既心情.如果大家想睇返影片既內容麻煩大家去睇返條片啦.果度好詳盡咁講解用後感架啦 :)

唔覺唔覺我拍左片都有八個月既時間,老實講.我其實係一個好怕醜既人...考慮拍片我的確拎左好多好多勇氣出黎做呢件事

最初拍片果時咩都唔識...無器材,無燈光.不善辭令,唔識剪片..所有野都要自己慢慢去學..全部野都係上網查點用...

由於對自己有要求既關係.所以好大壓力,每次出片前都用好多時間去試用產品,所有野都係自己出錢買,.

又怕俾人話我HARD SELL,又怕講野唔夠中肯

記得最初放片既時候.我成日會問我老公...到底啲人會唔會鐘意睇我拍既片呢...(其實到宜家仲係會咁問...)

自問桃子真係好俾心機去拍片俾大家睇,我講野唔叻...經常講野會打戟...我自問好努力咁去練習講野順暢啲...

初初既片都會俾人話我講野慢,太多"ER""咁""啦""(雖然宜家都係... :D ) 個腦轉得慢只好靠剪走佢

老實講...拍片的確唔難..剪片真的非常難...好似我呢D知道自己講野方面有弱勢既...只好靠剪片去剪走佢 XD(奸笑)

方法有兩個:一個就係拍片果時花多啲時間去講好佢.剪片就無咁辛苦...另外就係拍片拍得唔好唯有靠剪片剪走佢

有時候拍攝既時間比正常人要花多幾倍...呢樣野相信只有我老公先會明白...

我真心好想講...唔係每個人都口齒拎俐.唔係每個人都美若天仙...唔係每個人都身材超好~

我只係想講...我拍片係真心想分享我鐘意既野俾大家知.我無收任何錢去介紹產品...所有野都係我自己真金白銀拎錢出黎買...

全部都係用我老公既辛苦錢買..

所有野都係我親身去試過先會介紹俾大家...我唔係SALE.唔需要亂SALE野俾人..

同埋我真係好唔明點解啲人會亂咁DISLIKE人地既片...對唔住.我EQ低.所以我好介意~

仲要無拉拉俾人話我肥...我肥我知架...不過我老公都未話我肥請問你有咩資格話我呢?我也有亞媽生...   :<

我知我肥..但我肥又關你咩事呢?唔通肥人係唔可以拍片.肥人唔可以做社交活動?唔通我肥踩親你條尾?

睇到呢D咁既人身攻擊既評論真心火到黎...

不過發生左呢件不愉快事件之後,我知道.原來有好多人都會第一時間衝出黎圍護我...我實在好感動.我真係好多謝佢地默默咁支持我

有好多朋友仔雖然同佢地素未謀面..但係佢地見到有人攻擊我都幫我講好說話,

甚至有D朋友仔更加暗暗地係我既FACEBOOK FANPAGE度明留言同私訊叫我加油.我真係好多謝佢地...

拍片時間話長唔長話短唔短既我其實覺得自己已經好好彩...

因為我有一班朋友仔係我每一次出新片都會叫我加油...都會每條片睇完~

我已經好開心...呢個都係我拍片既目的...目的係有人鐘意我既分享...多謝你地...

多謝...多謝...無言感激...你地每一個點擊都對我有很大既鼓勵.多謝晒

(啾咪)

馮師奶桃子/mrspeachfungfu

宣傳你的專頁

個人主博客: http://mrspeachfungfu.wordpress.com/

個人主專頁: https://www.facebook.com/MrsPeachFungFu

個人主視頻: http://www.youtube.com/user/MrsPeachFungFu

個人主電郵: mrspeachfungfu@gmail.com