mrspeachfungfu的部落格

大家好,我係馮師奶桃子

今次想同大家分享既係面膜,

最近既天氣經常又濕又乾,塊面真係多得佢唔少呀~一時塊面又笠到爆,一時又會乾旱咁~

成日都想敷面膜,但唔知點解最近有幾次敷以前用開既面膜果時塊面會紅晒.真係好慘..想補下都唔得~

每次敷面膜都好似搵命摶咁~哈哈~

首先我係最近條新影片都有提及佢,希望大家會鐘意啦~

唔鐘意睇片既朋友可以繼續睇文字版~

直至最近終於試到一塊好野啦~

講緊就係呢塊~

Rainbow L'affair Collagen Skin Renewal Mask

點解我會咁鐘意佢呢~

首先佢個Main Point係佢敷完有料到先啦~唔會紅晒~

而且我都幾鐘意佢既設計,佢唔簡止係面膜.佢一包裏面有三部份~

我建議最好三份一齊用~效果幾好~而且我個人覺得你敷之前最好做下去角質先~

同埋其實佢係韓仔牌Leaders既副線牌子，但我鐘意佢無Leaders用完之後咁笠，不過你如果鐘意佢超潤的話可能佢就差少少啦！因為佢用完之後屬爽爽既類型

第一部份係Cleanser

係屬於泡沫潔面乳既佢啲泡初出黎好軟綿綿的~用完之後成塊面會覺得好乾淨,但如果你同我一樣係乾肌既話就會有少少乾~不過用完呢個之後再用埋其他兩部份就無事架啦~

第二部份係Ampoule

用完潔面乳之後將面洗乾淨以後就會用呢個Ampoule(即台灣人稱佢為安瓶既精華液)全面打底

佢既質地比平時用開既精華液杰身一啲但都好容易推開,將佢全部塗一層就可以了~

第三部份Collagen Mask

做完晒之前果兩個部份就可以用呢個骨膠原面膜啦~

呢個面膜其實佢有好多款架.不過我覺得自己需要骨膠原所以試呢個,點知一用就愛上佢啦~

簡單講下我對面膜既要求就係首先敷完唔好紅晒啦~自從果次用完果個凍膜搞到塊面爛晒之後

皮膚既質地都變左~以前用過無事既護膚品同面膜有啲都唔用得,所以對現在的我黎講.

護膚品用完一定唔可以成塊面紅晒(敏感)

而呢隻我用完無事喎~所以我好鐘意佢

再講佢用完之後有感覺皮膚變好了~唔會再乾乾der~

好怕啲面膜用完等如無用既~但佢呢個面膜敷完塊面好水潤同似皮膚質素提升左~

雖然初初敷完果下有少少笠~但過多一小時之後等佢吸收左塊面都好爽唔會笠痴痴~

而且佢係好貼面~如果你地有用過Leader既面膜就知佢地有幾咁貼面,佢呢個都同Leaders果啲一樣咁貼面

但佢就無Leaders果種用完會笠好耐既感覺,所以我係比較鐘意佢既~

整體黎講佢都好高分,如果大家有興趣既話都去買黎試下啦~ :)

所有產品都係桃子自購,絕無任何廣告成份~

多謝你睇到呢個位~

就醬~拜拜你條尾~

原博文:

https://mrspeachfungfu.wordpress.com/2015/02/23/mrspeachfungfu-peachs-reviewrainbow-laffair-collagen-skin-renewal-mask/

上篇博文回顧:

https://mrspeachfungfu.wordpress.com/2015/02/13/mrspeachfungfu-peachs-blogi-hate-wear-glasses/

馮師奶桃子/mrspeachfungfu

宣傳你的專頁

個人主博客: http://mrspeachfungfu.wordpress.com/

個人主專頁: https://www.facebook.com/MrsPeachFungFu

個人主視頻: http://www.youtube.com/user/MrsPeachFungFu

個人主電郵: mrspeachfungfu@gmail.com